Tierra.

Ondi quiera que m´acercu
afinu bien el oidu
por si escucho alguna voz
que me regali el sentiu.

Algú acento ehtremeñu,
alguna voz de-mi tierra,
ese es el más grandi empeñu
al que mi alma s´aferra.

Sentil jablal de mi Cáceres,
de mi pueblu y sus aldeas,
de su vino y sus mujeres
y el jamún de patanegra.

¡Qui grandi e mi Estremaura
dende cerca de Oropesa
jasta´l dinal de las Jurdes,
el Arañuelo, la Vera.

Y ese Jerti que platea
sobre el Valle de Plasencia,
y ese verdi del tabacu
que va del Valle del Tietar!

¡Que grandi es mi Estremaura!
¡Que llanos, que sol, que cielo!
¡Que encinar, que tierna albura!
¡Con cuantu amor la recuerdu!

Por esu, si jablan de ti,
yo a escuchá siempri me queu,
¡y ay de la voz qu´al jablarti
a ti nu te mandi besus!

¡Que naide valga diciendu
malis de la mi Estramaura
porque yo no-lo consientu
y me juego l´asaura!

Estremaura no es esu
que alguna genti se cree
no es comarca, ni senderu,
ni es olvio, ni vejez.

Qu´es una parti d´España
con historia, rango y ser,
y jarta ya de patrañas
y de güelva usté otra vez.